Lucas Vazquez i hapur për kalimin në Premierë Ligë: Është ligë mjaftë atraktive

16:20 | 3 Maj 2020
Arbresh Info

Sulmuesi i Real Madrid-it, Lucas Vazquez ka lënë derën e hapur për kalimin në Premierë Ligë.

Spanjolli në vitin 2015 ishte në formacionin e parë duke luajtur pranë Cristiano Ronaldo-s dhe Karim Benzema dhe ndihmoi klubin të fitojë tri herë radhazi Ligën e Kampionëve, transmeton portali arbresh.info.

Por, gjatë këtij sezoni ka humbur pozitën në formacionin e “Mbretërve” dhe ka raportime se Real-i do e shesë për të fituar disa para, në mënyrë që Vazquez të mos largohet vitin tjetër si lojtar i lirë.

Spanjolli ka thënë se ëndrra mbetet të pensionohet te Real Madrid, mirëpo e sheh Premierë Ligën si ligë mjaftë atraktive.

“Ëndrra është të pensionohem te Madrid, por në futboll asnjëherë nuk e di”.

“Kur isha i ri, gjithmonë shikoja Premierë Ligën me vëllain tim. Ishte, shumë atraktive, futboll i mirë, ligë e cila i përshtatet karakterit dhe personalitetit tim”, tha ai.

Pritet të shihet nëse gjatë merkatos verore, Vazquez do kalojë në kampionatin anglez./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm